කිරි ටොෆී

රසවත් කිරි ටොෆී ගෙදරදීම හදන්නේ මෙහෙමයි 

අවශ්‍ය ද්‍රව්‍ය 

– මිල්ක්මේඩ් ටින් එකක් (395 ml)

– මිල්ක්මේඩ් ටින් එකේ ප්‍රමාණයෙන් 1/4ක වතුර

– මිල්ක්මේඩ් ටින් එකේ ප්‍රමාණයෙන් සීනි 1

– බටර් මේස හැන්දක්

– පොඩියට කපාගත් කජු ටිකක්

සදා ගන්නා ආකාරය 
 
– භාජනයක් අරගෙන ඒකට මිල්ක්මේඩ් එක සහ වතුර ටි​ක දාන්න. 

– සීනි ටිකත් දාලා ලිපේ තියන්න. සාමාන්‍ය ගින්දරේ තියන්න. 

– සීනි දියවෙනකල් හො​ඳට හැඳි ගාන්න. 

– විනාඩි 10කින් මිශ්‍රණය උකුවේගෙන එනකොට  අඩිය අල්ලන්න නොදී හැඳි ගාන්න. 

– පාට ටික ටික වෙනස් වේගෙන එනකොට කජු ටික දාගන්න. 

– හොඳට ඝන මිශ්‍රණ​යක් හැදුනම ලිප ඕෆ් ​කරන්න. 

– බටර් ගාලා කලින් ලෑස්ති කරගත්තු තැටියකට ඉක්මනින් දාලා කෑලි කපාගන්න.