පාන් කියන්නේ ලංකාවේ අයට නම් උදේටයි, රෑටයි දෙකටම ගැලපෙන ආහාරයක්. හැබැයි හැමදාම එකම විදියට කන පාන් අද වෙනස්ම විදිහකට කාලා බලමුද?
අවශ්ය ද්රව්ය
- පාන් පෙති 8ක්
- Fresh milk හෝ පිටිකිරි
- ලුණු
- අවශ්ය නම් පාස්ලි කොළ ටිකක්
- ගම්මිරිස් කුඩු
- තම්බාගත් අල ගෙඩියක්
- චීස් කැමති වර්ගයකින්
- බිත්තරයක්
- පාන් කුඩු
සාදාගන්න ආකාරය
- පාන් පෙති වාටි ඉවත් කරලා පොඩි කෑලි වලට කඩල අරගන්න.
- මේක රොටි පදමට අනාගන්න පුළුවන් ගාණට කිරි එකතු කරන්න.
- මේකටම ලුණු ස්වල්පයක්, හීනියට කපාගත්ත.
- පාස්ලි කොළ, ගම්මිරිස් කුඩු ස්වල්පයක්, පොඩි කරගත්තු අල දාල හොඳින් අනාගන්න.
- මේ මිශ්රණයෙන් ටිකක් අතට අරන් රවුම් හැඩේට පැතලි සකස් කරලා චීස් කෑල්ලක් තියලා හොඳට ගුලි කර බෝලයක් හදාගන්න.
- පසුව එම බෝල බිත්තර සාරු වල දවටල, පාන් කුඩු තවරලා ගැඹුරු තෙලේ රන්වන් පැහැ වන තුරු බැදගන්න.
හවස තේ බොන වෙලාවට වගේම party එකකට වුණත් Bread Kiev කියන්නේ රස කෑමක්.
